Ահմեդ ալ-Շարաան մեղադրել է Իսրայելին Սիրիայի ներքին գործերին միջամտելու համար
Սիրիայի նախագահի ժամանակավոր պաշտոնակատար Ահմադ ալ-Շարաան մեղադրել է Իսրայելին արաբական հանրապետության գործերին միջամտելու համար:
Սիրիայի նախագահը պնդում է, որ Իսրայելը Աս-Սուվեյդայում վարում է պետությունը թուլացնող քաղաքականություն: Միևնույն ժամանակ, նրա կարծիքով, Սիրիային մասնատման վտանգ չի սպառնում:
Ալ-Շարաան ընդգծել է, որ Սիրիայի միավորման գործընթացը պետք է տեղի ունենա խաղաղ ճանապարհով.
«Առաջիկայում մենք ունենք ևս մի ճակատամարտ Սիրիայի միասնության համար, որը չպետք է ուղեկցվի արյունով և ռազմական ուժով. դա պետք է տեղի ունենա փոխըմբռնման միջոցով, քանի որ Սիրիան հոգնել է պատերազմից», – ասել է Ահմեդ ալ-Շարաան իր ելույթներից մեկի ժամանակ:
Նա բացառել է Սիրիայի տրոհման հնարավորությունը՝ Աս-Սուվեյդա նահանգում տեղի ունեցող բողոքի ցույցերի ֆոնին:
Նշենք, որ օգոստոսի 16-ին Աս-Սուվեյդայում հարյուրավոր մարդիկ դուրս են եկել ցույցի՝ պահանջելով ինքնավարություն դրուզ փոքրամասնության համար:
