Ռուսաստան–Ուկրաինա–ԱՄՆ. Պուտինի ու Զելենսկիի հանդիպման շուրջ լարվածությունը շարունակվում է

Մոսկվան հայտարարել է, որ պարտադիր պետք է մասնակցի Ուկրաինայի անվտանգության շուրջ ցանկացած միջազգային բանակցություններին. գրել է The Guardian-ը անդրադառնալով կողմերից յուրաքանչյուրին:

Ռուսաստանի արտգործնախարար Սերգեյ Լավրովը չորեքշաբթի ասել է, որ Մոսկվան պետք է ընդգրկված լինի Ուկրաինայի անվտանգության երաշխիքների քննարկումներում։ Նա քննադատել է եվրոպական դիվանագիտությունը՝ համարելով այն «գրգռված լարվածության բարձրացում» և «անհաջող փորձ ստիպելու Թրամփին փոխել դիրքորոշումը»։

«Անվտանգության երաշխիքների լուրջ քննարկումը առանց Ռուսաստանի՝ ոչ մի արդյունքի չի հանգեցնի», – նշել է Լավրովը՝ Հորդանան կատարած աշխատանքային այցի ընթացքում։

Լավրովն ասել է նաև, որ Ուկրաինայի անվտանգության երաշխավորների թվում պետք է լինի Չինաստանը՝ Ռուսաստանին պատերազմում աջակցող դաշնակիցը։

Եվրոպական առաջնորդները սկսել են ուսումնասիրել Ուկրաինայի համար հնարավոր հետպատերազմային անվտանգության երաշխիքները՝ հաշվի առնելով Թրամփի խոստումը՝ օգնել պաշտպանել երկիրը ցանկացած համաձայնագրի դեպքում։ Սակայն Ռուսաստանը բազմիցս հայտարարել է, որ չի ընդունի Եվրոպական ուժերի տեղակայումը Ուկրաինայում, ինչը քննարկվող անվտանգության երաշխիքներից մեկն է։

Կիևը կասկածանքով է անդրադառնում այն առաջարկին, որ Չինաստանը՝ պատերազմում Ռուսաստանի կողմնակիցը, հանդես գա որպես անվտանգության երաշխավոր։

Լավրովը, միևնույն ժամանակ, խուսափել է Վլադիմիր Պուտին–Վլադիմիր Զելենսկի հնարավոր գագաթնաժողովին ուղղակի հղում տալուց, ինչը ցույց է տալիս Կրեմլի միտումը հետաձգել հանդիպման իրական պլանավորումը։

Թրամփն այս շաբաթ հայտարարել է, որ «սկսել է կազմակերպել» առաջին հանդիպումը երկու առաջնորդների միջև:

Պուտինը դժվար իրավիճակում է․ եթե հրաժարվի հանդիպումից, դա կարող է լարվածություն առաջացնել ԱՄՆ-ի հետ, իսկ եթե համաձայնվի՝ Զելենսկիին կտա հավասար դիրք:

Մոսկվան ընդհանրապես դեռ չի պատրաստվում հանդիպմանը. Լավրովը խորհուրդ է տվել, որ ցանկացած շփում կազմակերպվի «մեծ զգուշությամբ», իսկ այլ ռուս պաշտոնյաներ Զելենսկիի կարևորությունը փոքրացրել են՝ համարելով, որ նա արժանի չէ լուրջ ուշադրության։

Կրեմլի փորձագետներն ընդգծում են, որ Պուտինը միայն պատրաստ է հանդիպել Զելենսկիի հետ, եթե դա հանգեցնի Ռուսաստանի պահանջների ամբողջական կատարմանը, ինչը հավասարազոր է Ուկրաինայի կապիտուլյացիային։

Այս պահի դրությամբ Ռուսաստանի ղեկավարությունը չի ցուցաբերում հաշտության որևէ նշան. Լավրովն ասել է, որ ԱՄՆ-ը սկսում է ավելի լավ հասկանալ պատերազմի «արմատական պատճառները», որոնց թվում են Ուկրաինայի ՆԱՏՕ-ին անդամակցությունից հրաժարումը, «դեմիլիտարիզացիան» և «դենացիզացիան», ինչը պրակտիկայում նշանակում է Զելենսկիի հեռացում քաղաքականությունից։