Խոստացված գործարաններից մինչև չոր նավահանգիստ․ ինչո՞ւ ծրագրերը չեն իրականանում
Ավտոմեքենայի, հեռուստացույցի արտադրամասեր և չոր նավահանգիստ ստեղծելու խոստումներից անցել են տարիներ, սակայն ոչ մեկն էլ իրականություն չի դարձել։
Էկոնոմիկայի նախկին նախարար Վահան Քերոբյանը հայտարարել էր, որ Հայաստանում գործում է «Սեպուհ-1» ընկերություն, որը հավաքում է ավտոմեքենաներ։ Նոր Նորքի գործարանում հատ-հատ հավաքված մեքենաներից 8-ը փորձնական խմբաքանակ է եղել՝ պետական գրանցման ենթակա։ Նա շեշտել էր, որ «ավտոմեքենայի արտադրությունը սկսվում է հավաքումից» և այդ գործընթացը կշարունակվի, մասնավորապես էլեկտրական ավտոմեքենաների ոլորտում։ Սակայն դրանից հետո կոնկրետ արդյունքերի, արտադրության կամ դրանց ծավալների մասին ոչ մի տեղեկություն չկա։
