Մեծ Բրիտանիան, Ֆրանսիան և Գերմանիան սկսել են Իրանի նկատմամբ միջազգային պատժամիջոցները վերականգնելու գործընթացը. Reuters
Մեծ Բրիտանիան, Ֆրանսիան և Գերմանիան սկսել են Իրանի նկատմամբ ՄԱԿ-ի պատժամիջոցները վերականգնելու գործընթացը. հայտնում է Reuters-ը:
Սրան ի պատասխան՝ իրանցի բարձրաստիճան պաշտոնյաններից մեկը մեղադրել է եվրոպական տերություններին դիվանագիտությանը վնաս հասցնելու համար և խոստացել, որ Թեհրանը չի գնա զիջումների եվրոպացիների գործադրած ճնշման ներքո:
«Այս քայլը դիվանագիտության դեմ ուղղված գործողություն է, այլ ոչ թե դրա հնարավորություն։ Այնուամենայնիվ, եվրոպացիների հետ հետ բանակցությունները կշարունակվեն», – ասել է պաշտոնյան Reuters-ին:
Ֆրանսիայի արտաքին գործերի նախարար Ժան-Նոել Բարոն միևնույն ժամանակ նշել է, որ որոշումը չի նշանակում դիվանագիտության ավարտ:
Պատժամիջոցները վերականգնելու դրդապատճառը եվրոպական «եռյակ»-ի մտավախությունն է, որ պատժամիջոցների չկիրառման պարագայում հոկտեմբերի կեսերին իրենք կկորցնեն Թեհրանի նկատմամբ կրկին պատժամիջոցներ կիրառելու հնարավորությունը, որը վերացվել էր 2015 թվականին կնքված միջուկային համաձայնագրի շրջանակներում։
