Թուրքիայի ԱԳ նախարարն արձագանքել է Հայոց ցեղասպանության մասին Նեթանյահուի հայտարարություններին
Կան փաստեր, որոնք աշխարհը ճանաչում է որպես «ցեղասպանություն»։ Իսրայելի վարչապետ Բենյամին Նեթանյահուի արածը ոչ այլ ինչ է, քան իր գործած ցեղասպանությունը թաքցնելու փորձ. հայտարարել է Թուրքիայի ԱԳ նախարար Հաքան Ֆիդանը՝ ուղիղ եթերում մեկնաբանելով միջազգային օրակարգի առկա հարցերը։ Թուրքիայի դիվանագիտության ղեկավարը ուշադրություն է հրավիրել այն փաստի վրա, որ Իսրայելի անձեռնմխելիության մասին պատրանքը փլուզվել է։
«Պաղեստինյան հարցն ու Գազայում վերջին երկու տարիների ընթացքում տեղի ունեցող ցեղասպանությունը վիրավորանք է ոչ միայն մեր ժողովրդի, այլև բոլոր մուսուլմանների համար, սա ամբողջ աշխարհի ցավն է», – հայտարարել է Ֆիդանը։
Նախարարի խոսքով՝ Իսրայելն անցել է 1967 թվականի սահմաններով սահմանված եզրագիծը և փորձում է ընդլայնվել ու զբաղեցնել նոր տարածքներ, ինչն ակնհայտ է. ընդգծել է Թուրքիայի ԱԳ նախարարը։
Հաքան Ֆիդանը ուշադրություն է հրավիրել նաև այն փաստի վրա, որ երկիրը, որը կարող է առավելագույն ճնշում գործադրել՝ կանգնեցնելու Իսրայելին, ԱՄՆ-ն է, սակայն նրանք այդ հնարավորությունները բավարար չափով չեն օգտագործում։
