Թրամփը խորհրդային կամ ռուսական գործակալ է. Պորտուգալիայի նախագահ
Պորտուգալիայի նախագահ Մարսելո Ռեբելու դե Սուսան ասել է, որ ԱՄՆ նախագահ Դոնալդ Թրամփը այսօր գործում է որպես «ռուսական գործակալ»` օգնելով Ռուսաստանին Ուկրաինայի դեմ պատերազմում. գրում է CNN Portugal-ը:
Նախագահի խոսքով՝ Թրամփը առաջնորդական նոր ոճի օրինակ է. նա էմոցիոնալ է և ուղղակի կապ է ստեղծում քաղաքացիների հետ` առանց միջնորդության։
«Աշխարհի խոշորագույն գերտերության գլխավոր առաջնորդը, ըստ փաստերի, ռուսական ակտիվ է և գործում է նրա օգտին»,- նշել է դե Սուսան։
Նա ընդգծել է, որ սա ընկերության կամ գաղափարական գործակցության մասին չէ։ «Ամերիկյան նոր ղեկավարությունը ռազմավարական առումով աջակցել է Ռուսաստանին»,- ասել է նա։
Նախագահը նաև նշել է, որ ԱՄՆ-ն, նախկինում լինելով կողմերից մեկը, հիմա փորձում է հանդես գալ որպես միայն մեկ կողմի հետ բանակցող «դատավոր», ինչն անարդար է Ուկրաինայի և Եվրոպայի նկատմամբ:
