Թուրքիան խզում է տնտեսական կապերը Իսրայելի հետ
Մենք որոշել ենք ամբողջությամբ խզել մեր տնտեսական և առևտրային կապերը Իսրայելի հետ և փակել ենք մեր օդային տարածքը իսրայելական ինքնաթիռների համար. հայտարարել է Թուրքիայի արտաքին գործերի նախարար Հաքան Ֆիդանը, ելույթ ունենալով իր երկրի խորհրդարանում:
Նա Իսրայելին մեղադրել է պաղեստինցիների նկատմամբ ցեղասպանություն իրականացնելու համար և ասել, որ Իսրայելը դիտավորյալ Գազան դարձնում է անբնակելի։
Ֆիդանը նաև նշել է, որ Իսրայելը խոչընդոտում է հումանիտար օգնությանը և զգուշացրել, որ այդ քաղաքականությունը սպառնում է տարածաշրջանային կայունությանը։
Նախարարը ընդգծել է, որ այս որոշումը արտահայտում է Անկարայի արձագանքը Գազայում շարունակվող հանցագործություններին։
Արտասահմանյան կողմերը՝ Իսրայելի ընկերությունները և օդանավակայանների վարչությունը, մինչ այժմ որևէ պաշտոնական ծանուցում չեն ստացել։
