ԻՀՊԿ-ն Իրանի հյուսիսարևելքում «Մոսադի» հետ կապված ահաբեկչական խումբ է վնասազերծել

Իրանի Իսլամական հեղափոխության պահապանների կորպուսը (ԻՀՊԿ) հյուսիսարևելյան Խորասան-Ռազավի նահանգում վնասազերծել է Իսրայելի «Մոսադ» հետախուզական ծառայության հետ կապված ահաբեկչական խումբ. գրում է Mehr գործակալությունը:

Հաղորդվում է, որ խմբի անդամները վերջին 12-օրյա պատերազմի ընթացքում Իսրայելի ռեժիմի հետախույզներին փոխանցել են կարևոր օբյեկտների, նաև հայտնի ռազմական գործիչների վերաբերյալ տվյալներ։

Նրանք նաև փորձել են ծրագրել և իրականացնել գործողություններ պետության ու զինվորականի դեմ, նաև վնասել Մաշհադ քաղաքի կարևոր կենտրոնները։ Գործողության ընթացքում հայտնաբերվել են հրթիռարձակների, ռումբերի և պայթուցիկների արտադրության համար նախատեսված հումք։

Հունիսի 13-ին Իսրայելը 12 օր հարվածել է Իրանին, ինչի հետևանքով սկսված զոհվել է առնվազն 1064 մարդ, այդ թվում՝ ռազմական հրամանատարներ, միջուկային գիտնականներ և խաղաղ բնակիչներ։

Միացյալ Նահանգները նույնպես ներգրավվել է պատերազմում՝ ռմբակոծելով Իրանի երեք միջուկային օբյեկտ, ինչը միջազգային իրավունքի կոպիտ խախտում է։

Ի պատասխան՝ Իրանի Զինված ուժերը թիրախավորել են օկուպացված տարածքներում գտնվող ռազմավարական օբյեկտները, նաև Կատարի ալ-Ուդեյդ ռազմաբազան, որն ԱՄՆ-ի ամենամեծ ռազմական բազան է Արևմտյան Ասիայում։