ՀՀ-ն և Չինաստանը ռազմավարական գործընկերություն են հաստատել
ՀՀ վարչապետ Նիկոլ Փաշինյանը և Չինաստանի նախագահ Սի Ծինպինը հայտարարել են երկու երկրների միջև ռազմավարական գործընկերության հաստատման մասին։
Այս կապակցությամբը Սի Ծինփինը կոչ է արել համատեղ զարգացնել «Մեկ գոտի, մեկ ճանապարհ» նախաձեռնությունը. կողմերը նաև կարևորել են համագործակցության խթանումը նաև գիտության, կրթության, մշակույթի, զբոսաշրջության, տեղեկատվության, չափագիտության և այլ ուղղություններով:
Չինաստանի առաջնորդը նշել է, որ իրենք աջակցում են Հայաստանի անդամակցությանը Շանհայի համագործակցության կազմակերպությանը։
Վարչապետ Փաշինյանը շնորհակալություն է հայտնել ջերմ հյուրընկալության համար՝ վերահաստատելով Հայաստանի աջակցությունը «Մեկ Չինաստան» սկզբունքին:
ՀՀ կառավարության տարածած հաղորդագրության համաձայն՝ Սի Ծինփինը ողջունել է Հայաստանի և Ադրբեջանի միջև խաղաղության գործընթացը:
Անդրադառնալով երկկողմ հարաբերությունների զարգացման հեռանկարներին` նա կարևորել է Հայաստանի հետ տնտեսական համագործակցության միջկառավարական հանձնաժողովի ակտիվ գործունեությունը` ընդգծելով, որ այն պետք է լիարժեք բացահայտի երկկողմ տնտեսական փոխգործակցության ներուժն ու հետևողական քայլեր ձեռնարկի այն իրացնելու համար:
