Մասուդ Փեզեշքիանը դատապարտել է Իսրայելի հարձակումը Եմենի վրա
Իրանի նախագահ Մասուդ Փեզեշքիանը խստորեն դատապարտել է Եմենի վրա Իսրայելի վերջին հարձակումը. փոխանցում է Press TV-ն:
Իր ուղերձում նախագահ Փեզեշքիանը ցավակցություն է հայտնել հուսի կառավարության վարչապետ Ահմադ Ղալեբ Ալ-Ռահավիի և մի քանի նախարարների մահվան կապակցությամբ։
«Սիոնիստական ռեժիմի կողմից Եմենի դեմ իրականացված ահաբեկչական հարձակումը, որի արդյունքում զոհվել են վարչապետը և մի քանի բարձրաստիճան պաշտոնյա, կրկին բացահայտեց օկուպացված Պաղեստինի տարածքները կառավարող խմբավորման դաժան և հանցավոր բնույթը», – ասել է նա։
Ցավակցական ուղերձ է նաև հղել Իրանի խորհրդարնի նախագահ Մոհամմադ Բաքեր Քալիբաֆը:
Հիշեցնենք՝ երեկ ՑԱԽԱԼ-ը հարվածել էր Եմենի մայրաքաղաք Սանային, ինչի հետևանքով զոհվել էին հուսի ապստամբների կառավարության ղեկավարը և մի շարք նախարարներ:
