Պատմության դասագրքերում Արցախի հանձնման հիմնական մեղավոր են հանել Արցախի պաշտոնյաներին. փաստաբանը հայցադիմում է ներկայացնելու դատարան
«Հայաստանի պատմության» դասագրքերում Արցախի նախագահի մասին զրպարտչական տեղեկություններ կան, ներկայիս իշխանությունը Արցախի անկումը ուզում է բացառապես վերագրել Արցախի իշխանությանը․ ֆեյսբուքյան էջում ասել է փաստաբան Ռոման Երիցյանը։
«Նրանք այդպիսով ուզում են սերունդներին ցույց տալ, որ Արցախի անկման համար միակ մեղավորն ու պատասխանատուն Արցախի պաշտոնյաներն են։ Ներկա սերնդի համար շատ բան պարզ է, գիտեն՝ ով, ինչ քայլեր է իրականացրել, բայց ապագա սերունդը առաջնորդվելու է դասագրքերով։ Նրանք համեմատելու եզրեր չեն ունենալու և հավատալով պատմության գրքերին՝ ասելու են Արցախը հանձնել է Սամվել Շահրամանյանն ու Արցախի պաշտոնյաները»,- ասել է Երիցյանը։
Փաստաբանը հայցադիմում է ներկայացնելու դատարան։
