Էրդողանը և Սի Ծինփինը քննարկել են միջազգային և տարածաշրջանային օրակարգի հարցեր
Թուրքիայի նախագահ Ռեջեփ Թայիփ Էրդողանը հանդիպել է ՉԺՀ նախագահ Սի Ծինփինի հետ Չինաստանում կայացած Շանհայի համագործակցության կազմակերպության (ՇՀԿ) գագաթնաժողովի շրջանակում. հայտնում է Թուրքիայի ռադիոյի և հեռուստատեսության ընկերության ռուսալեզու ծառայությունը:
Նախագահները քննարկել են երկրների միջև տնտեսական համագործակցությունը տարբեր ոլորտներում, համաձայնության եկել երկկողմ խորհրդակցությունների և համագործակցության մեխանիզմների կանոնավոր գործունեության վերաբերյալ։
Էրդողանը վերահաստատել է Թուրքիայի աջակցությունը «Մեկ Չինաստան» քաղաքականությանը և ուշադրություն հրավիրել երկու երկրների միջև հարաբերությունների ռազմավարական բնույթի վրա։
Հանդիպման ընթացքում քննարկվել են միջազգային թեմաներ, այդ թվում՝ իրադրությունը Գազայում, ռուս-ուկրաինական պատերազմը, նաև Սիրիայի զարգացման հարցում համատեղ գործելու հնարավորությունը:
