Իսրայելի պաշտպանության նախարարը հայտնել է ՀԱՄԱՍ-ի խոսնակի սպանության մասին
Իսրայելի պաշտպանության նախարար Իսրայել Կացը հայտարարել է ՀԱՄԱՍ խմբավորման ռազմական թևի խոսնակ Աբու Ուբեյդայի սպանության մասին:
«ՀԱՄԱՍ ահաբեկչական խմբավորման խոսնակ Աբու Ուբեյդան սպանվել է Գազայում: Շնորհավորում եմ Իսրայելի պաշտպանության բանակին և Անվտանգության գլխավոր ծառայությանը գործողության անթերի իրականացման համար», – գրել է նա X սոցիցանցի իր էջում:
Երեկ Իսրայելի պաշտպանության բանակի մամուլի ծառայությունը հայտնել էր, որ ՑԱԽԱԼ-ը հարվածել է Գազայի հյուսիսային հատվածին՝ նպատակ ունենալով վերացնել խմբավորման առանցքային ներկայացուցիչներից մեկին:
