Էրդողանը հույս է հայտնել, որ Ադրբեջանի և Հայաստանի միջև բանակցությունները կհանգեցնեն կայուն խաղաղության
Թուրքիայի նախագահ Ռեջեփ Թայիփ Էրդողանը հույս է հայտնել Ադրբեջանի և Հայաստանի միջև հետագա բանակցությունների հաջողության վերաբերյալ՝ նշելով, որ Անկարան և Մոսկվան կայունության կարիք ունեն Կովկասում․ հաղորդել է Թուրքիայի ղեկավարի գրասենյակը։
«Նախագահ Էրդողանը հույս է հայտնել, որ Ադրբեջանի և Հայաստանի միջև բանակցությունները կհանգեցնեն կայուն խաղաղության՝ նշելով, որ Կովկասում երկարաժամկետ կայունությունը համապատասխանում է Թուրքիայի և Ռուսաստանի ընդհանուր շահերին», – նշվել է Էրդողանի և Ռուսաստանի նախագահ Վլադիմիր Պուտինի հանդիպումից հետո Շանհայի համագործակցության կազմակերպության գագաթնաժողովի շրջանակներում հրապարակված հայտարարությունում։
Էրդողանը կրկին նշել է, որ Թուրքիան շարունակում է ջանքեր գործադրել ուկրաինական հակամարտության ավարտին նպաստելու համար։ Նա հույս է հայտնել, որ Մոսկվայի և Կիևի միջև Ստամբուլում կայացած բանակցությունները նպաստել են խաղաղության գործընթացին։
Ղեկավարները քննարկել են երկկողմ հարաբերությունները, տարածաշրջանային և համաշխարհային հարցեր։
