Սուդանում մի ամբողջական գյուղ է ոչնչացվել, զոհվել է առնվազն 1000 մարդ. միջազգային լրահոսն՝ ամփոփ

Արևմտյան Սուդանի Մարա լեռների շրջանում սողանքի հետևանքով ամբողջական գյուղ է ոչնչացվել, զոհվել է առնվազն 1000 մարդ,՝ ողջ է մնացել միայն մեկ մարդ։ Սողանքը տեղի է ունեցել երկարատև ուժգին տեղումների պատճառով։ Գյուղի բնակիչները Մարա լեռներ էին տեղափոխվել՝ փրկվելով Սուդանի բանակի և արագ արձագանքման ուժերի միջև շարունակվող պատերազմի պատճառով։ Այդ վայրերում, սակայն, սնունդը և դեղորայքը բավարար չեն։