Պուտինը անընդունելի առաջարկներ է անում. Ուկրաինայի արտգործնախարարը՝ Մոսկվայում հանդիպման հրավերի մասին
Ուկրաինայի ԱԳ նախարար Անդրեյ Սիբիհան արձագանքել է Մոսկվայում Պուտին-Զելենսկի հանդիպում անցկացնելու ՌԴ նախագահի հրավերին՝ հայտարարելով, որ Ռուսաստանի առաջնորդի առաջարկն անընդունելի է.
«Այս պահին առնվազն յոթ երկիր պատրաստ է հյուրընկալել Ուկրաինայի և Ռուսաստանի առաջնորդների հանդիպումը՝ Ավստրիան, Սուրբ Աթոռը, Շվեյցարիան, Թուրքիան և Պարսից ծոցի երեք պետություններ. սրանք լուրջ առաջարկներ են, և նախագահ Զելենսկին պատրաստ է նման հանդիպման ցանկացած պահի։
Այնուամենայնիվ, Պուտինը շարունակում է մոլորեցնել բոլորին՝ գիտակցաբար անելով անընդունելի առաջարկներ», – գրել է Սիբիհան X-ի իր միկրոբլոգում:
Նրա խոսքով՝ ռուսական կողմը կսկսի լուրջ վերաբերվել բանակցություններին միայն ճնշման ուժեղացման պարագայում:
