Իրանը և ՄԱԳԱՏԷ-ն Վիեննայում անցկացրել են բանակցությունների երրորդ փուլը
Իրանի դեսպան և Վիեննայում գտնվող միջազգային կազմակերպություններում մշտական ներկայացուցիչ Ռեզա Նաջաֆին հայտարարել է Իրանի և Ատոմային էներգիայի միջազգային գործակալության (ՄԱԳԱՏԷ) միջև տեխնիկական բանակցությունների երրորդ փուլի մասին․ հաղորդում է Mehr գործակալությունը։
Նաջաֆիի խոսքով՝ ուրբաթ և շաբաթ օրերին Վիեննայում տեղի է ունեցել Իրանի և ՄԱԳԱՏԷ-ի միջև տեխնիկական բանակցությունների երրորդ փուլը՝ Իսրայելի և ԱՄՆ-ի կողմից Իրանի միջուկային օբյեկտների վրա հարձակումներից հետո ստեղծված նոր իրավիճակում և խորհրդարանի կողմից այս հարցի վերաբերյալ ընդունված օրենսդրական ակտի համաձայն, և կողմերը մտքեր են փոխանակել համաձայնագրի տեքստում պարունակվող կետերի վերաբերյալ։
Իր հերթին, Իրանի արտաքին գործերի նախարար Աբբաս Արաղչին ասել է, որ իրանական պատվիրակությունը Վիեննայում լավ հանդիպում է ունեցել ՄԱԳԱՏԷ-ի ներկայացուցիչների հետ։
Նա հավելել է, որ երկու կողմերն էլ շատ մոտ են երկկողմ համագործակցության նոր շրջանակի ստեղծմանը։
