Ռուսական մարդասիրական առաքելությունը ևս 800 ընտանիքի օգնություն է տրամադրել Աբովյան քաղաքում․ ՌԴ ԱԳՆ
Մարդասիրական առաքելությունը շարունակվում է. ևս 800 ընտանիք օգնություն է ստացել Հայաստանի Աբովյան քաղաքում։ Այս մասին տեղեկացնում է ՌԴ ԱԳՆ-ի ֆեյսբուքյան էջը։
«Ռուսական մարդասիրական առաքելության և «Եվրասիա» կազմակերպության թիմը «Ռուսաստանը քեզ հետ» նախագծի շրջանակներում քառօրյա աշխատանք է կատարել Աբովյանում: Այս ընթացքում Լեռնային Ղարաբաղից ներքին տեղահանվածների 800 ընտանիք օգնություն է ստացել: Հիմնական անհրաժեշտ պարագաներից բացի, երեխաներ ունեցող 150 ընտանիք ստացել է մանկական իրեր, այդ թվում՝ սնունդ, հիգիենայի պարագաներ և այն ամենը, ինչ անհրաժեշտ է փոքրիկներին:
Հիշեցնենք, որ ավելի վաղ օգնություն արդեն տրամադրվել էր Մասիս քաղաքի և Շիրակի մարզի բնակիչներին: Ընդհանուր առմամբ, նախագծի ընթացքում աջակցություն է ստացել ավելի քան 3300 ընտանիք։
«Շատերի համար սա կարևոր նշան է, որ նրանք մենակ չեն մնում իրենց դժվարին իրավիճակում», – նշել են տեղում գտնվող կամավորները:
