Իրանի ԱԳՆ-ն դատապարտել է Իսրայելի գործողությունը Դոհայում
Իրանի ԱԳՆ պաշտոնական ներկայացուցիչ Իսմայիլ Բաղային հանցավոր է որակել իսրայելական բանակի հարվածը Դոհային՝ այն անվանելով Կատարի ինքնիշխանության, նաև ՄԱԿ-ի կանոնադրության ակնհայտ խախտում. փոխանցում է Mehr գործակալությունը:
«Այս չափազանց վտանգավոր և հանցավոր գործողությունը միջազգային իրավունքի նորմերի և Կատարի ազգային ինքնիշխանության ու տարածքային ամբողջականության խախտում է», – Իրանի ազգային հեռուստատեսության հետ զրույցում ասել է Բաղային։
Խոսնակը նաև զգուշացրել է, որ Պաղեստինում և Մերձավոր Արևելքում Իսրայելի գործողությունների նկատմամբ միջազգային անգործությունը սպառնալիք է բոլորի համար։
