Սահմանազատման գործընթացում հնարավոր են նորություններ․ Արարատ Միրզոյանի հայտարարությունները՝ կետերով
ՀՀ արտգործնախարար Արարատ Միրզոյանը ԱԺ-ում պատասխանել է պատգամավորների հարցերին: Նրա հայտարարությունների առանցքային կետերը ներկայացնում ենք ստորև.
- Խաղաղությունը երկարատև գործընթաց է։ Այն երբեք չի հաստատվում բարեկամ երկրների միջև, այլ հակամարտություն ունեցածների։ Առայժմ ճանապարհի սկզբին ենք:
- Եթե նույնիսկ առաջիկայում ստորագրվի խաղաղության պայմանագիրը, դա չի նշանակում, որ ամեն ինչ ավարտված է։ Պարզունակ ասած՝ առայժմ կողմերը իրար վրա չեն կրակում, էսկալացիայի ռիսկը մինիմալ է։
- Բաքվում պահվող հայ գերիների խնդիրը մնում է չլուծված։ Ադրբեջանը նախկինում հայտարարել է բոլոր գերիներին ազատ արձակելու պարտավորության մասին, սակայն այն ամբողջությամբ չի կատարել։ Հումանիտար հարցերը պետք է կարգավորվեն առաջին հերթին։Հայաստանը շուրջ 30 տարի եղել է շրջափակման մեջ։ Հիմա հնարավորություն է բացվել՝ առաջնորդվելով ստորագրված սկզբունքներով՝
- Տարածքային ամբողջականություն
- Սահմանների անձեռնմխելիություն
- Ինքնիշխանություն և իրավազորություն
Հայաստանը շարունակում է աշխատել ինչպես ԱՄՆ-ի, այնպես էլ Ադրբեջանի հետ։ Սահմանազատման գործընթացում հնարավոր են նորություններ։
