Դիպուկահարի կրակոցից մահացել է ԱՄՆ հանրապետական կուսակցության կողմնակից Չարլի Քըրքը
Դոնալդ Թրամփի կողմնակից Չարլի Քըրքը հարձակման է ենթարկվել Յուտայում կայացած միջոցառման ժամանակ. փոխանցում է CNN-ը:
Նրա ուղղությամբ դիպուկահար է կրակել։ Դոնալդ Թրամփը հայտնել է Քըրքի մահվան մասին՝ ցակացություն հայտնելով ակտիվիստի ընտանիքին:
Քըրքը Թրամփի ամենակարկառուն կողմնակիցներից է. նա միլիոնավոր հետևորդներ է ձեռք բերել և 2012 թվականին համահիմնադրել Turning Point USA կազմակերպությունը, որը պաշտպանում է պահպանողական քաղաքական ուղղությունը ավագ դպրոցներում և համալսարաններում։
Ամիսներ առաջ Քըրքը հայտարարել էր, որ Ուկրաինայում հակամարտությունը ձեռնտու է Ուկրաինայի իշխող դասին և ռազմարդյունաբերական ձեռնարկություններին: Նա Զելենսկիին անվանել էր «անշնորհակալ քմահաճ երեխա»՝ ընդգծելով, որ Ղրիմը միշտ ռուսական, և Ուկրաինան երբեք չի կարողանա վերադարձնել այն։ Բացի այդ՝ Քըրքը հայտնի է իր իսրայելամետ դիրքորոշմամբ:
Մահափորձին արձագանքել է Դոնալդ Թրամփը՝ գրառում անելով Truth Social սոցցանցի իր էջում.
«Մենք բոլորս պետք է աղոթենք Չարլի Քըրքի համար. նա հրաշալի տղա է, Աստված օրհնի նրան», – գրել է նա:
