Լրագրող Հակոբ Կարապետյանի հետ տեղի ունեցած դեպքի առթիվ կա ձերբակալված․ ՔԿ

Լրագրող Հակոբ Կարապետյանի հետ տեղի ունեցած դեպքի առթիվ նախաձեռնվել է քրեական վարույթ՝ Քրեական օրենսգրքի 195-րդ հոդվածի 1-ին մասով (Ֆիզիկական ներգործությունը): Մեկ անձ ձերբակալվել է։ Կատարվում է նախաքննություն․ ABC media–ին հայտնել են ՀՀ Քննչական կոմիտեից։

Հիշեցնենք, որ օրերս լրագրող Հակոբ Կարապետյանը հայտնել էր, որ ֆեյսբուքյան գրառումից հետո  քաղաքապետարանի աշխատակից Ավետ Բաբայանն իր հետ ունեցել էր հայհոյանքներով և սպառնալիքներով ուղեկցված խոսակցություն։ Կարապետյանը նշել էր, որ դեպքից օրեր անց աշխատավայրի մոտ անհայտ անձը ծեծել է իրեն։ Հարուցվել է քրեական գործ։

Ավելի վաղ ABC media–ի հետ զրույցում քաղաքապետի մամուլի խոսնակ Հայկ Կոստանյանը հայտնել էր, Երևանի քաղաքապետ Տիգրան Ավինյանը Հասարակական կարգի պահպանության ծառայության պետի ժ/պ Ավետ Բաբայանին խիստ նկատողություն է հայտարարել և արձակուրդ ուղարկել։

«Հիմքում այն հանգամանքն է, որ Հակոբ Կարապետյանի հետ առցանց տիրույթում խոսակցություն է ունեցել», –նշել է Կոստանյանը և հավելել, որ արձակուրդից վերադառնալու ժամկետ չի կարող նշել։