ՌԴ-ն հանդես է գալիս հայ-թուրքական հարաբերությունների շուտափույթ կարգավորման օգտին․ ՌԴ ԱԳՆ
ՌԴ ԱԳՆ ներկայացուցիչ Մարիա Զախարովան ճեպազրույցի ժամանակ, անդրադառնալով հայ-թուրքական հարաբերություններին, նշել է, որ ռուսական կողմը հանդես է գալիս երկու հարևան պետությունների հարաբերությունների շուտափույթ կարգավորման օգտին։
«Հայ-թուրքական հարաբերությունների կարգավորումը դիտարկում ենք որպես պարտադիր պայմաններից մեկը Հարավային Կովկասում ամուր խաղաղության և կայուն զարգացման համար։ Պատրաստ ենք հետագայում ևս աջակցել հայ և թուրք գործընկերներին տվյալ ուղղությամբ, այդ թվում՝ «3+3» խորհրդատվական հարթակի ձևաչափի շրջանակում»,– ասել է նա։
