Թշնամուն հնգապատիկ ցավեցրած, կամային բարձր որակներ ունեցող հայ ազգի արցախցի զավակները կռվեցին մինչև վերջին փամփուշտը. Աբրահամ Գասպարյան

Արցախ վերադարձ լինելու՛ է: Հավաքակա՛ն․ գրել է Genesis Armenia ուղեղային կենտրոնի հիմնադիր տնօրեն Աբրահամ Գասպարյանը՝ ֆեյսբուքյան իր էջում։

«1․Արցախը կռվեց մինչև վերջին փամփուշտն ու չհանձնվեց: Բլոկադա, սով, պատերազմներ, Հայաստանի հակահայ իշխանությունից օգնություն չստացած, այսուհանդերձ՝ թշնամուն հնգապատիկ ցավեցրած, կամային բարձր որակներ ու հատկանիշներ ունեցող՝ հայ ազգի արցախցի զավակներ:

2․Արցախ վերադարձ լինելու՛ է: Հավաքակա՛ն: Խելացի մարտավարությամբ, հոգևոր զարթոնքի ռազմավարական մտածողությամբ: Սա երազանք չէ՛, ո՛չ էլ ցանկություն, այլ հստակ նպատակ, որի իրականացման համար պիտի շատ արդյունավետ աշխատենք՝ հզորացնելով Հայաստանը, ամրապնդելով սփյուռքը, վերագնահատելով ինքնության ու ազգային անվտանգության ապահովման մեր ջանքերը:

3․Արցախը հանձնողների հասցեն բոլորին հայտնի է: Նրանք բոլորը պիտի արժանանան արդարահատույցի: Ուր էլ փախչեն:

Փա՜ռք հայրենիքի ազատագրության դատին ընկած հերոսներին:

Խունկ և աղոթք՝ Եռաբլուրում հանգչող տղերքի հոգիներին: Պի՛նդ եղեք»,-գրել է Գասպարյանը: