«Բեսպրիդելը» հասել է այն մակարդակի, որ նման դեպքերը կարող են պատահել ցանկացած պահի. Մեսրոպ Առաքելյանը՝ Փարաքարի համայնքապետի սպանության մասին
Երկրում հանցագործությունների կտրուկ աճը և «բեսպրիդելը» հասել են այն մակարդակի, որ նման դեպքերը կարող են պատահել ցանկացած պահի. խոսելով Փարաքարի համայնքապետի սպանության մասին՝ ասել է նրա կուսակիցը՝ «Ապրելու երկիր» կուսակցության համահիմնադիր Մեսրոպ Առաքելյանը։
Լրագրողների հետ զրույցում նա խոսել է նաև ապօրինի զենքի շրջանառության մասին, որն ամենայն հավանականությամբ դարձել է հանցագործությունների աճի հիմնական պատճառներից մեկը։ Առաքելյանը նաև հորդորել է չշահարկել ամիսներ առաջ տեղի ունեցած ՔՊ կուսակցության անդամի սպանությունը իբրև Վոլոդյա Գրիգորյանի սպանության մոտիվ, քանի որ Վոլոդյան և իր ընտանիքը որևիցե կապ չեն ունեցել այդ իրադարձության հետ:
Մեսրոպ Առաքելյանը նաև նա, որ Գրիգորյանը նվիրված էր իր աշխատանքին, ուներ համայնքի բարելավման հետ կապված երկարաժամկետ ծրագրեր և անհնարին էր կանխազգալ իր հանդեպ նման լարվածություն։
«Ցանկացած մարդու նման ողբերգական մահը իշխանությունների բացթողումն է և այդ ուղղությամբ աշխատանքներում էական թերացումներ կան։ Այս ողբերգությունը ընդգծում է նաև իրավապահ համակարգի պատասխանատվությունը»,- ասել է Առաքելյանը։
