Ո՞վ է «Գրիգոր Լուսավորիչ» ԲԿ-ում փրկված երեխան և ինչո՞ւ է աղմուկ առաջացել TikTok-ում. ԲԿ-ի պարզաբանումը

«Գրիգոր Լուսավորիչ» ԲԿ–ն օրերս տեսանյութ էր տարածել՝ 1 շաբաթական երեխայի կյանքը փրկելու մասին: Տեսանյութին TikTok սոցիալական հարթակում արձագանքել է օգտատերերից մեկը՝ պնդելով, թե դեպքը տեղի է ունեցել իր երեխայի հետ, իսկ տեսանյութում տեղ գտած տեղեկությունները կեղծ են: Նա պահանջել է ջնջել տեսանյութը:

ԲԿ–ից ABC media–ի հետ զրույցում նշեցին, որ վերջին ամիսներին նրանք երկու նման դեպք են ունեցել։ Տեսանյութում տեղ գտած տեղեկությունն այլ ընտանիքի մասին է և կապ չունի TikTok-ի օգտատիրոջ երեխայի հետ։