Թրամփը կարող է Մերձավոր Արևելք մեկնել այս շաբաթ՝ քննարկելու Գազայում հակամարտության դադարեցումը

ԱՄՆ նախագահ Դոնալդ Թրամփը հայտարարել է, որ կիրակի կարող է մեկնել Մերձավոր Արևելք՝ Գազայում պատերազմը դադարեցնելու համաձայնագրի կնքման շուրջ բանակցությունների ֆոնին. հաղորդում է CNN-ը:

«Նրանք շատ լավ են գործում. մենք այնտեղ հիանալի թիմ ունենք, հիանալի բանակցողներ, և, ցավոք, մյուս կողմում նույնպես հիանալի բանակցողներ են», – ասել է Թրամփը՝ հավելելով, որ միջոցառմանը ժամանելուց առաջ խոսել է իր թիմի հետ։

«Կարծում եմ՝ դա մի բան է, որը տեղի կունենա, մեծ հավանականություն կա, որ տեղի կունենա: Ես կարող եմ այնտեղ գնալ շաբաթվա վերջին՝ գուցե կիրակի. բանակցությունները շատ լավ կընթանան», – ասել է նա։

Թրամփը, սակայն, չի նշել, թե որ երկիր նա կարող է այցելել։