Ֆրանսիացիների 78%-ը Մակրոնի մասին բացասական կարծիք ունի. Paris Match

Էմանուել Մակրոնը Ֆրանսիայի առաջին գործող նախագահն է, որը չի հայտնվել ֆրանսիացիների հիսուն ամենասիրված քաղաքական գործիչների վերաբերյալ Ifop-Fiducial ցուցակի մեջ. գրում է Paris Match-ը՝ մեջբերելով հարցման արդյունքները:

Ըստ տվյալների՝ Մակրոնը զբաղեցնում է 51-րդ հորիզոնականը, այնինչ Հանրապետության նախկին նախագահները՝ Նիկոլա Սարկոզին և Ֆրանսուա Օլանդը, իրենց պաշտոնավարման ընթացքում երբեք չեն եղել 43-րդ հորիզոնականից ցածր։

«Հարցմանը մասնակցած ֆրանսիացիների 78%-ը այժմ բացասական կարծիք ունի Էմանուել Մակրոնի մասին (խմբ. նախորդ ամսվա 70%-ի համեմատ). սա նույնպես ռեկորդ է», – նշում է Ifop սոցիոլոգիական կազմակերպության գործադիր տնօրեն Ֆրեդերիկ Դաբին։