Կալանավորվել է Ադրբեջանի նախագահի աշխատակազմի նախկին ղեկավարը. ԶԼՄ-ներ

Ադրբեջանի նախագահի աշխատակազմի նախկին ղեկավար Ռամիզ Մեհդիևը ձերբակալվել է, նրան մեղադրում են հատկապես ծանր հանցագործությունների համար. հայտնում են ադրբեջանական ԶԼՄ-ները։

Ռամիզ Մեհդիևի դեմ հարուցվել է քրեական գործ. դատարանը խափանման միջոց է ընտրել չորս ամիս ժամկետով տնային կալանքը:

Լրատվամիջոցների տեղեկություններով՝ Մեհդիևին մեղսագրվում է իշխանության բռնի զավթում կամ պահպանում, սահմանադրական կարգի բռնի փոփոխություն և պետական ​​դավաճանություն: