ԱՄՆ-ն կմեծացնի ճնշումը Ռուսաստանի վրա, եթե Ուկրաինայում հակամարտությունը չկարգավորվի․ Պենտագոնի ղեկավար
Ռուսաստանի նկատմամբ սպառնալիքներ է հնչեցրել Պենտագոնի ղեկավարը։ Փիթ Հեգսեթը հայտարարել է, որ ԱՄՆ-ն և նրա դաշնակիցները կմեծացնեն ճնշումը Ռուսաստանի վրա, եթե Ուկրաինայում հակամարտությունը չկարգավորվի․ գրում է kommersant.ru–ն։
Նա նշել է, որ ԱՄՆ պատերազմի նախարարությունը պատրաստ է ներդրում անել՝ «այնպիսի ներդրում, որը միայն ԱՄՆ-ն կարող է տրամադրել»։
«Եթե այս պատերազմը չավարտվի, եթե խաղաղությունն արագ չհաստատվի, Միացյալ Նահանգները, իր դաշնակիցների հետ միասին, կձեռնարկի անհրաժեշտ քայլեր՝ Ռուսաստանի համար ծախսերը մեծացնելու համար», – ասել է Հեգսեթը դաշինքի կենտրոնակայանում ՆԱՏՕ-ի պաշտպանության նախարարների հանդիպման ժամանակ:
