Միացյալ Թագավորությունը 5000 հրթիռ կմատակարարի Ուկրաինային. Սթարմերը հանդիպել է Զելենսկիին
Մեծ Բրիտանիան զգալիորեն կմեծացնի Ուկրաինային տրամադրվող ռազմական աջակցությունը. հայտարարել է վարչապետ Քիր Սթարմերը՝ նշելով, որ ձմռանն ընդառաջ Ուկրաինայի օդային պաշտպանությունը ամրապնդելու համար կտրամադրվի 5000 նոր բազմաֆունկցիոնալ հրթիռ:
Սթարմերը ընդգծել է, որ Մեծ Բրիտանիան կանգնած է Ուկրաինայի կողքին՝ պաշտպանելու Եվրոպայի ազատությունը ռուսական ագրեսիայից, և հիացմունք է հայտնել Ուկրաինայի ժողովրդի տոկունությամբ:
Նա նաև ընդգծել է պատժամիջոցների միջոցով Կրեմլի վրա միջազգային ճնշման կարևորությունը՝ նշելով, որ Ռուսաստանի նախագահ Վլադիմիր Պուտինը միակն է, ով չի ցանկանում դադարեցնել պատերազմը:
