ԱՄՆ-ն պատժամիջոցներ է սահմանել Կոլումբիայի նախագահի դեմ
ԱՄՆ ֆինանսների նախարարությունը հայտնել է, որ պատժամիջոցներ է սահմանում Կոլումբիայի նախագահ Գուստավո Պետրոյի նկատմամբ՝ մեղադրելով նրան թմրանյութերի համաշխարհային ապօրինի առևտրում դերակատարություն ունենալու համար. փոխանցում է CNN-ը։
Պատժամիջոցներ են կիրառվել են նաև Պետրոյի կնոջ, որդու և Կոլումբիայի ՆԳ նախարարի նկատմամբ։
«Նախագահ Գուստավո Պետրոյի իշխանության գալուց ի վեր Կոլումբիայում կոկաինի արտադրությունը կտրուկ աճել է՝ հասնելով տասնամյակների ընթացքում ամենաբարձր մակարդակին, ողողելով Միացյալ Նահանգներն ու թունավորելով ամերիկացիներին», – հայտարարության մեջ ասել է ֆինանսների նախարար Սքոթ Բեսենթը։
Պետրոն, որը նախկինում մերժել էր նման մեղադրանքները, արագ արձագանքեց հայտարարությանը X-ում՝ հայտնելով, որ վարձել է ամերիկացի փաստաբանի և մտադիր է պայքարել պատժամիջոցների դեմ։
