PKK-ն պետք է դադարեցնի գործունեությունը ոչ միայն Թուրքիայում, այլև Իրաքում և Սիրիայում. Ֆիդան

Քրդական բանվորական կուսակցությունը (PKK) պետք է դադարեցնի գործողությունները ոչ միայն Թուրքիայում, այլև Իրաքում և Սիրիայում. ինչպես հաղորդում է Anandolu գործակալությունը, նման հայտարություն է արել Թուրքիայի ԱԳ նախարար Հաքան Ֆիդանը։

«Մեր անկեղծ ցանկությունն ու ակնկալիքն է, որ կազմակերպությունը, ինչպես դա տեղի ունեցավ Թուրքիայում, դադարեցնի զինված պայքարը և ահաբեկչական գործունեությունը Իրաքում, դուրս գա իր կողմից գրավված տարածքներից, նաև լքի Սիրիայի գրավված տարածքները. սա չափազանց կարևոր է», – նշել է Թուրքիայի արտգործնախարարը Բաղդադում Իրաքի փոխվարչապետ և արտգործնախարար Ֆուադ Հուսեյնի հետ համատեղ մամուլի ասուլիսում։

Ավելի վաղ Քրդական բանվորական կուսակցությունը (PKK) հայտարարել էր Թուրքիայից իր զորքի լիակատար դուրսբերման մասին։