Թվերն իրենք ավելի խոսուն են, քան այսօրվա իշխանությունների քաղաքական բարբաջանքներն ու «հաղթական» հայտարարությունները․ Դավիթ Անանյան

2025թ․ նոյեմբերի 5-ին ՀՀ ազգային վիճակագրական կոմիտեն հրապարակեց 2025թ․ հունվար-սեպտեմբեր ամիսների սոցիալ-տնտեսական ցուցանիշները։ Թվերն իրենք ավելի խոսուն են, քան այսօրվա իշխանությունների քաղաքական բարբաջանքներն ու «հաղթական» հայտարարությունները. իր ֆեյսբուքյան էջում գրել է «Միասնության թևեր» քաղաքական նախաձեռնության անդամ Դավիթ Անանյանը։

Գրառումը՝ ստորև․

«Մեր մասնագիտական վերլուծությունը ցույց է տալիս, որ այս տվյալները բացահայտում են այն իրականությունը, որը թաքնված է պաշտոնական հռետորաբանության տակ։

Մեր սոցիալ-տնտեսական դիտարկումների շարքի լուռ, բայց հստակ «մեսիջներն» են․

1 Թվերի ետևում իրականությունն այլ է, քան կառավարության ներկայացրած «հաղթական» պատմությունը։

2 Տնտեսությունը կառուցվածքային վտանգավոր վիճակում է․ շինարարություն և ծառայություններ՝ կարճաժամկետ ակտիվության հաշվին, բայց թուլացած արդյունաբերություն և կաթվածահար արտահանում։

3 Բյուջեն, դրամավարկային ու ժողովրդագրական դաշտերը վկայում են, որ «կոսմետիկ» փոփոխություններով երկիրը չի կարող առաջ շարժվել․ անհրաժեշտ են համակարգային քաղաքական որոշումներ։

Այս շարքը բացելու է այդ իրական պատկերը՝ ցույց տալով, թե ինչպես է թվերի ետևում ձևավորվում մեր տնտեսության և պետության իրական դիմագիծը»,- գրել է նա։