Բաքվում հայ փորձագետները հանդիպել են Հաջիևի հետ

Հայաստանի քաղաքացիական հասարակության ներկայացուցիչները, որոնք երեկ մեկնել էին Բաքու, հանդիպել են ադրբեջանցի փորձագետների հետ. հայտնում է Անվտանգային քաղաքականության հետազոտական կենտրոնը։

Հանդիպման ընթացքում քննարկումներ են ծավալվել «Ադրբեջանի և Հայաստանի միջև խաղաղության գործընթացի դինամիկայի, երկխոսության խթանման գործում քաղաքացիական հասարակության դերի և մոտ ապագայում իրականացվող համատեղ նախագծերի» վերաբերյալ։

Պայմանավորվածություն է ձեռք բերվել հաստատելու ուղիղ կապ փորձագիտական ​​խմբերի միջև և պլանավորելու փոխադարձ այցելություններ Ադրբեջան և Հայաստան՝ «Խաղաղության կամուրջ» նախաձեռնության շրջանակում։

Այցի ընթացքում հայ փորձագետները նաև հանդիպել են Ադրբեջանի նախագահի օգնական և նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևի հետ։