Ղրղզական շինարարական ընկերությունը դատի է տվել Ադրբեջանի ԱԳՆ-ին՝ պարտքը չվճարելու համար․ OC Media

Ղրղզական Meadi LLC շինարարական ընկերությունը դատի է տվել Ադրբեջանի արտաքին գործերի նախարարությանը՝ պնդելով, որ երկրի մայրաքաղաք Բիշքեկում Ադրբեջան-Ղրղզստան բարեկամության այգու կառուցման համար կառույցն իրենց պարտք է ավելի քան 3 միլիոն դոլար․ գրում է OC Media-ն։

Այգու և դրան կից Հեյդար Ալիևի անվան դպրոցի կառուցման նախագծերն առաջին անգամ մշակվել են 2019 թվականին, և Ադրբեջանի արտաքին գործերի նախարարությունը երկու նախագծերի համար հատկացրել է ավելի քան 8 միլիոն դոլար։ Շինարարությունն ավարտվել է 2022 թվականին, իսկ հիմնարկեքի արարողություններին մասնակցել է Ադրբեջանի նախագահ Իլհամ Ալիևն իր ղրղզ գործընկեր Սադիր Ջապարովի հետ միասին։

Այնուամենայնիվ, երեք տարի անց Meadi LLC-ն հայտարարում է, որ Ադրբեջանի կառավարությունն ամբողջությամբ չի վճարել նախագծի համար։

Իր հայցում ընկերությունը նշել է, որ բազմիցս կապ է հաստատել Ադրբեջանի արտաքին գործերի նախարարության հետ՝ չվճարված միջոցները հետ ստանալու համար, սակայն ապարդյուն։