Միջամտության դեպքում ամերիկյան բազաները կդառնան Իրանի օրինական թիրախները․ Իրանի խորհրդարանի խոսնակ

Իրանը կհարվածի Մերձավոր Արևելքում տեղակայված ամերիկյան ուժերին, եթե Միացյալ Նահանգները ագրեսիա ցուցաբերի․ РИА Новости-ի փոխանցմամբ՝ հայտարարել է Իսլամական Հանրապետության խորհրդարանի նախագահ Մոհամմադ-Բաղեր Ղալիբաֆը։

«ԱՄՆ-ի ոչ հարգելի նախագահը պետք է իմանա, որ հարվածի դեպքում Մերձավոր Արևելքի ողջ տարածաշրջանում գտնվող բոլոր ամերիկյան բազաները և դրանց զինված ուժերը կդառնան մեր օրինական թիրախը՝ ամերիկյան կողմից ցանկացած հնարավոր արկածախնդրության ի պատասխան», – գրել է նա X սոցիալական ցանցում։

Խոսնակի խոսքով՝ օտարերկրյա հատուկ ծառայությունները ձախողվել են բողոքի օրինական ցույցերը զինված բախումների վերածելու իրենց փորձը։