Հարձակման դեպքում Իսրայելն ու ամերիկյան բազաները օրինական թիրախներ կդառնան Իրանի համար․ Իրանի խորհրդարանի նախագահ
Իրանի խորհրդարանի նախագահ Մոհամմադ Բաղեր Ղալիբաֆը հայտարարել է, որ ԱՄՆ-ի հարձակման դեպքում Թեհրանը կհարվածի Իսրայելին և Մերձավոր Արևելքում գտնվող ամերիկյան ռազմական օբյեկտներին. փոխանցում է TACC-ը։
«ԱՄՆ-ի ռազմական հարձակման դեպքում թե՛ օկուպացված տարածքները (նկատի ունենալով Իսրայելը՝ խմբ․), թե՛ ամերիկացիների ցամաքային և ռազմածովային բազաները կդառնան մեր օրինական թիրախները», – նրա խոսքերը մեջբերել է Իրանի պետական հեռուստատեսությունը։
Ավելի վաղ ԱՄՆ նախագահ Դոնալդ Թրամփը հայտարարել էր Իրանում անկարգություններին ներգրավված անձանց «օգնության գալու» պատրաստակամության մասին։
