TRIPP-ը, մեր կարծիքով, համագործակցության հիանալի օրինակ է․ Ռուբիո
Շարունակելու ենք աշխատել TRIPP նախագծի իրագործման ուղղությամբ, որը մեր կարծիքով, համագործակցության հիանալի օրինակ է․ Վաշինգտոնում Հայաստանի ԱԳ նախարար Արարատ Միզրոյանի հետ հանդիպումանն ընդառաջ ասել է ԱՄՆ պետքարտուղար Մարկո Ռուբիոն։
«Այն բացում է Հայաստանը բիզնեսի համար, թույլ է տալիս բարգավաճել տնտեսապես և որևէ կերպ չի ոտնահարում Հայաստանի ինքնիշխանությունը․ սա համագործակցության հիանալի օրինակ է, սա նաև հարատև միջոց է կառուցելու երկկողմ հարաբերությունները երկրների միջև, որոնք շատ ամուր են և շարունակում են ամրապնդվել այս համաձայնագրերի միջոցով՝ եռակողմ պայմանավորվածությունից դուրս»,- նշել է Ռուբիոն։
Նրա խոսքով՝ կողմերը կարծում են, որ այս պայմանավորվածությունն օրինակ է դառնալու աշխարհի համար, թե ինչպես կարելի է բացվել տնտեսական գործունեության և բարգավաճման համար՝ առանց կասկածի տակ դնելոու կամ խաթարելու պետության ինքնիշխանությունն ու տարածքային ամբողջականությունը։
