Հրապարակվել է TRIPP-ի վերաբերյալ համատեղ հայտարարությունը

ԱՄՆ պետքարտուղարությունը հրապարակել է TRIPP ծրագրի համար Հայաստան-ԱՄՆ կենսագործման շրջանակի հրապարակման վերաբերյալ համատեղ հայտարարությունը․

«ԱՄՆ պետքարտուղար Մարկո Ռուբիոն և ՀՀ արտաքին գործերի նախարար Արարատ Միրզոյանը այսօր հանդիպեցին Վաշինգտոնում՝ հայտարարելու «Միջազգային խաղաղության և բարգավաճման Թրամփի ուղու» (TRIPP) իրականացման շրջանակի հրապարակման մասին:

Ստորև հրապարակված այս փաստաթուղթը վերջին քայլն է Սպիտակ տանը 2025 թվականի օգոստոսի 8-ին ստանձնած պարտավորությունների կատարման ուղղությամբ՝ Հարավային Կովկասում երկարատև խաղաղության գործը առաջ մղելու համար։

Շրջանակը ուրվագծում է TRIPP-ի գործնական կիրառման կոնկրետ ուղին, որը նախատեսված է Հայաստանի տարածքում անարգել, բազմատարր տարանցիկ կապ հաստատելու համար: Կապելով Ադրբեջանի հիմնական մասը Նախիջևանի Ինքնավար Հանրապետությանը և ստեղծելով կենսական նշանակություն ունեցող կապ Տրանսկասպյան առևտրային ուղու վրա՝ TRIPP-ը, ինչպես սպասվում է, փոխադարձ օգուտներ կբերի Հայաստանի Հանրապետության միջազգային և ներպետական ​​կապի համար։

Արտահայտելով 2025 թվականի օգոստոսի 8-ին նախագահ Թրամփի կողմից հյուրընկալված պատմական Խաղաղության գագաթնաժողովում հաստատված սկզբունքները՝ TRIPP-ի իրականացման շրջանակը ընդգծում է ինքնիշխանության, տարածքային ամբողջականության և փոխադարձության կարևորությունը TRIPP-ի ընդհանուր հաջողության համար։ TRIPP-ի վերջնական նպատակն է ամրապնդել Հայաստանի և Ադրբեջանի բարգավաճումն ու անվտանգությունը, նաև խորացնել ամերիկյան առևտուրը՝ ընդլայնելով տարածաշրջանային առևտուրն ու կապը, ինչպես նաև ստեղծելով նոր տարանցիկ հնարավորություններ՝ Կենտրոնական Ասիան և Կասպից ծովը Եվրոպային կապելով»։