Ստանալու ենք մաքսային և սահմանային հսկողության այնպիսի տեխնոլոգիաներ, որոնք ՀՀ-ում նախկինում չեն եղել․ Փաշինյանի ասուլիսը՝ կետերով
Կառավարության նիստից հետո Նիկոլ Փաշինյանը պատասխանել է լրագրողների հարցերին։ Ասուլիսի որոշ հատվածներ ներկայացնում ենք ամփոփ․
Ինքս ինձ չեմ պարգևատրել, պետական որոշման շրջանակում ամսական 1.5 մլն դրամի չափով վարձատրության ավելացում եմ ունեցել։
- Կառավարական համակարգից դեպի մասնավոր ոլորտ որակյալ կադրերի արտահոսք կա և հակառակը՝ մասնավոր ոլորտից չեն ցանկանում գալ․ այսպես է հիմնավորել Փաշինյանը՝ պետական համակարգին տրված բարձր պարգևավճարները։
- ՀՀ ներդրումային միջավայրը էականորեն փոխվում է, ՀՀ հոսելու են մեծ ներդրումներ և մեր գնահատականն այն է, որ կոռուպցիոն ռիսկերը կարող են մեծանալ և մենք պետական համակարգը պետք է կարողանանք պաշտպանել դրանից։
- Իրանից հնչող հայտարարությունների նկատմամբ շատ ուշադիր ենք և ամեն ինչ արել ենք Իրանի բոլոր մտահոգությունները փարատելու ուղղությամբ։ Ամեն ինչ կանենք, որ Իրանի դեսպանատան գործունեությունը չխաթարվի։
- TRIPP-ի շրջանակներում մենք ստանալու ենք մաքսային և սահմանային հսկողության այնպիսի տեխնոլոգիաներ, որոնք ՀՀ-ում նախկինում չեն եղել:
- Թուրքիայի և Ադրբեջանի հետ երկաթուղային կապի որոշ հատվածների վերանորոգման հարցով առիթ եմ ունեցել խոսելու Ռուսաստանի Դաշնության նախագահի հետ, ինչպես նաև Հայաստանի փոխվարչապետը Ռուսաստանի փոխվարչապետի հետ է առիթ ունեցել խոսելու։ Մենք սպասում ենք Ռուսաստանի Դաշնության մեր գործընկերների արձագանքին»:
