Բայրամովն ու Ռուբիոն քննարկել են TRIPP-ին և հայ-ադրբեջանական հարաբերություններին առնչվող հարցեր

ԱՄՆ պետքարտուղար Մարկո Ռուբիոն հեռախոսով խոսել է Ադրբեջանի ԱԳ նախարար Ջեյհուն Բայրամովի հետ. հայտնում է Ադրբեջանի ԱԳՆ-ն։

Հաղորդագրության համաձայն՝ հեռախոսազրույցի ընթացքում քննարկվել են Ադրբեջանի և ԱՄՆ-ի միջև երկկողմ համագործակցության ներկա վիճակը և հեռանկարները, իրադրությունը տարածաշրջանում և հայ-ադրբեջանական հարաբերությունների կարգավորման գործընթացը։

Նշվել է նաև TRIPP-ի նախագծի իրագործման ուղղությամբ իրականացվող աշխատանքների կարևորությունը։