Այսօր Հայաստան-Ադրբեջան սահմանի երկայնքով կատարյալ խաղաղություն է․ Փաշինյանի ելույթը՝ կետերով
Ես մի օր զանգ եմ ստացել, և ինձ դրա մասին տեղեկացրել են, ես էլ շնորհակալությամբ ընդունել եմ․ այսօր ԱԺ-ում հարցուպատասխանի ժամանակ հայտարարեց Նիկոլ Փաշինյանը՝ խոսելով «Զայեդ» մարդկային եղբայրության մրցանակին արժանանալու մասին։
Փաշինյանի ելույթը՝ կետերով․
- «Զայեդ» մրցանակի 3 մրցանակակիրներից մեկը ես եմ, մյուսը՝ Ալիևը, 3-րդը ակտիվիստ է։
- Ուզում ենք ունենալ անարատ պաշտոնյա ու զրո կոռուպցիա․ Փաշինյանը՝ ահռելի պարգևավճարների մասին։
- Նրանք, ովքեր առանց աշխատավարձի կամ սիմվոլիկ աշխատավարձով աշխատել են վարչապետ, հիմա դոլարային միլիոնատերեր են։ Ես նման խնդիր չունեմ իմ առաջ դրած։ Մեզ պետք է, որ պաշտոնյան գերկենտրոնացած լինի իր խնդրի վրա և մինիմալ շեղվի իր աշխատանքից։
- Շատ ուրախ եմ, որ Ադրբեջանում պահվող ևս 4 անձ վերադարձավ հայրենիք։
- Այսօր Հայաստան-Ադրբեջան սահմանի երկայնքով կատարյալ խաղաղություն է։ Բայց ՀՀ-ն երբեք և ոչ մի վայրկյան իր զգոնությունը չի կորցրել և չի կորցնելու։
- Այդ մտահոգությունները որևէ հիմնավորում չունեն․ Փաշինյանը՝ TRIPP-ի վերաբերյալ ՀՀ ինքնիշխանության շուրջ մտահոգությունների մասին․ «TRIPP-ն առաջին հերթին ներդրումային ծրագիր է։ Քաղաքականությունը կամաց-կամաց երկրորդ պլան է մղվում, և այն դառնում է տնտեսական ծրագիր»։
- Միանշանակ և աներկբա Հայաստանի և Ադրբեջանի էներգետիկ համակարգերը միանալու են իրար և փոխադարձաբար նույն պայմաններով օգտվելու են և՛ արտահանման, և՛ ներմուծման հնարավոր պայմաններից։
- Մենք արդեն ստացել ենք այդ փոխադարձ առավելությունների մի մասը․ բա որ բենզինի գինը նվազել է, բա ցորեն է ներկրվում Ռուսաստանից ու Ղազախստանից, բա փոխադարձ առավելություն չի՞։
- Մենք ե՞րբ ենք հատելու Ադրբեջանի սահմանը մեր գնացքով, որո՞նք են լինելու այդ հատման, անցման պայմանները, այնտեղ է՞լ է լինելու «ֆրոնտ-օֆիս», «բեք-օֆիս»․ Արթուր Խաչատրյանի հարցին Փաշինյանը պատասխանեց․ «Դա տեղի է ունենալու այն ժամանակ, երբ երկաթգիծը պատրաստ լինի, որովհետև հիմա մենք չենք կարող ուսով գնացք տանել»։
- Սովորել եք, հա՞, որ օլիգարխները քացով տալով դռները բացեն, մտնեն պաշտոնյաների մոտ, ոտերները կջարդենք, հլը թող մեկը պատշաճ հարգանքով չմոտենա պետական օրգանի կամ պետական ինստիտուտի։
- Պարտքի հետ կապված՝ այսօր 53.000 ընտանիք հիփոթեքային վարկով բնակարան է ձեռք բերել, բոլոր այդ ընտանիքների պարտքը տասնապատկվել է։ Բայց դրա արդյունքում այդ ընտանիքների բարեկեցությունը ոչ թե նվազել է, այլ աճել է։ Դա նշանակում է, որ նրանց եկամուտներն ավելացել են։
