Ջեյ Դի Վենսը կայցելի Հայաստան և Ադրբեջան․ Թրամփ

Միացյալ Նահանգների նախագահ Դոնալդ Թրամփը հայտնել է, որ փետրվարին փոխնախագահ Ջեյ Դի Վենսը կայցելի Հայաստան և Ադրբեջան՝ «ամրապնդելու խաղաղությունը և առաջ մղելու TRIPP նախագիծը»։

Նախագահի խոսքով՝ այցի նպատակներից է նաև մի շարք համաձայնագրերի ստորագրումը։

«Մենք կամրապնդենք մեր ռազմավարական գործընկերությունն Ադրբեջանի հետ, խաղաղ միջուկային համագործակցության շուրջ հիանալի համաձայնագիր կկնքենք Հայաստանի հետ, կկնքենք գործարքներ կիսահաղորդիչների վերաբերյալ և կվաճառենք Ադրբեջանին ԱՄՆ-ում արտադրված պաշտպանական սարքավորումներ՝ զրահաբաճկոններ, նավակներ և այլն», – գրել է նա Truth Social սոցցանցի իր էջում։