Սահման, որ սպասում է Անկարայի որոշմանը

Սահմանը դեռ փակ է, բայց պատրաստ է բացվել․ Մարգարայի անցակետում արդեն ամեն ինչ պատրաստ է՝ ճանապարհը, շենքերը, ենթակառուցվածքները։

Պաշտոնյաները տեղում են եղել, աշխատանքներն ավարտված են, բացակայում է միայն մեկ բան՝ թուրքիայի քաղաքական որոշումը։ 

2022-ին Վիեննայում Հայաստանը և Թուրքիան պայմանավորվեցին ցամաքային սահմանը բացել երրորդ երկրների քաղաքացիների և դիվանագիտական անձնագիր ունեցողների համար։ Դրանից հետո սկսվեցին անցակետերի վերականգնման աշխատանքները․ Թուրքիան՝ Ալիջանում, Հայաստանը՝ Մարգարայում։