Թրամփը հայտարարել է, որ Իրանին են մոտենում ամերիկյան մեծ ուժեր
ԱՄՆ նախագահ Դոնալդ Թրամփը հայտարարել է, որ Իրանին խոշոր ամերիկյան ուժեր են մոտենում։ Նա հույս է հայտնել, որ Թեհրանը կհամաձայնի գործարքի։ Այովայում իր կողմնակիցների հետ խոսելիս Թրամփն անդրադարձել է Իրանի հարցին՝ վերահաստատելով այն պնդումը, որ ԱՄՆ-ն ոչնչացրել է Թեհրանի միջուկային ներուժը 2025 թվականի հունիսին․ գրում է ТАСС-ը։
«Եվս մեկ ամիս, և նրանք կունենային միջուկային զենք։ Մենք ստիպված էինք դա անել», – հայտարարել է Թրամփը՝ մեկնաբանելով Ֆորդոյում, Նաթանզում և Սպահանում իրանական միջուկային օբյեկտներին հասցված հարվածները։
«Ի դեպ, ևս մեկ մեծ, գեղեցիկ նավատորմ գեղեցիկ կերպով շարժվում է դեպի Իրան հենց հիմա, այնպես որ, կտեսնենք։ Հուսով եմ՝ նրանք կհամաձայնվեն գործարքի», – հավելել է նախագահը։
Պարզ չէ՝ արդյո՞ք Թրամփը նկատի ունի USS Abraham Lincoln ավիակիրը և նրան ուղեկցող ռազմանավերը, որոնք երկուշաբթի ժամանել են Մերձավոր Արևելք, թե՞ մեկ այլ հարվածային խումբ, գրում է Times of Israel-ը։
