Մոդին համաձայնել է դադարեցնել ՌԴ-ից նավթի գնումները․ Թրամփ
Հնդկաստանի վարչապետ Նարենդրա Մոդին համաձայնել է դադարեցնել ռուսական նավթի գնումը և անցնել Միացյալ Նահանգներից և, հնարավոր է, Վենեսուելայից վառելիքի ներկրմանը․ հայտարարել է ԱՄՆ նախագահ Դոնալդ Թրամփը Հնդկաստանի առաջնորդի հետ հեռախոսազրույցից հետո։
«Մենք շատ բանի մասին խոսեցինք, այդ թվում՝ առևտրի և Ռուսաստանի ու Ուկրաինայի միջև պատերազմի ավարտի մասին․ նա համաձայնել է դադարեցնել ռուսական նավթի գնումը և շատ ավելին գնել Միացյալ Նահանգներից և, հնարավոր է, Վենեսուելայից», – գրել է Թրամփը Truth Social սոցցանցի իր էջում։
Նրա պնդմամբ՝ այս քայլը կօգնի ավարտել պատերազմը Ուկրաինայում։
