ԱՄՆ-Իրան բանակցությունները չեղարկման եզրին են․ Axios
Ամերիկյան կողմը տեղեկացրել է Իրանի ներկայացուցիչներին, որ չի ընդունում բանակցությունների վայրը և ձևաչափը փոխելու վերաբերյալ Թեհրանի պահանջները․ հայտնում է Axios-ը՝ հղում անելով ամերիկացի անանուն պաշտոնյաների։
Իրանական կողմը պահանջել էր բանակցությունները տեղափոխել Օման և անցկացնել հանդիպումը երկկողմ ձևաչափով, որպեսզի կողմերը կենտրոնանան միջուկային ծրագրի քննարկման վրա։
«Մենք ուզում ենք արագ հասնել իրական համաձայնության․ հակառակ դեպքում կդիտարկվեն այլ տարբերակներ», – ասել է ամերիկացի բարձրաստիճան պաշտոնյան՝ ակնարկելով ռազմական գործողությունների վերաբերյալ Թրամփի հայտարարություններին։
