
ԱՄՆ-ի հետ միջուկային բանակցությունները կկայանան ուրբաթ․ Արաղչի
Իրանի ԱԳ նախարար Աբբաս Արաղչին հայտարարել է, որ ԱՄՆ-ի հետ միջուկային բանակցությունները կկայանան ուրբաթ Օմանի մայրաքաղաք Մասկատում։
X-ի միկրոբլոգում կատարած գրառման մեջ նախարարը շնորհակալություն է հայտնել Օմանին հանդիպումը կազմակերպելու համար։
Հիշեցնենք՝ ավելի վաղ Axios-ը, հղում անելով իր աղբյուրներին, հաղորդել էր, որ բանակցությունները չեղարկման եզրին էին։


