Թրամփի վարչակազմը քայլեր է ձեռնարկում ներգաղթյալների համար բնակարանային օգնությունը դադարեցնելու ուղղությամբ

Թրամփի վարչակազմը քննարկում է խառը ներգաղթային կարգավիճակ ունեցող ընտանիքների համար դաշնային բնակարանային օգնությունը դադարեցնելու մասին օրինագիծը․ գրում է Reuters գործակալությունը։

ԱՄՆ բնակարանային և քաղաքային զարգացման նախարարությունը հայտարարել է, որ իրենց գնահատմամբ՝ խառը կարգավիճակ ունեցող 20․000 ընտանիքներում բնակվող մոտ 24․000 անօրինական միգրանտ օգտվում է Բնակարանային շինարարության և քաղաքային զարգացման դեպարտամենտի (HUD) օգնությունից։

Առաջարկվող օրենքի համաձայն՝ ընտանիքը չի կարողանա ստանալ օգնություն, եթե ընտանիքի յուրաքանչյուր անդամ չունի ԱՄՆ-ում ապրելու օրինական կարգավիճակ։